Free while we build it: every course and deck, with a confirmed account. Join free Still being built · Report a problem

Hinemoa: KO TE KAUWHAU TENEI O TE KAUHOENGA ATU O HINEMOA KI MOKOIA.

  1. KO TE KAUWHAU TENEI O TE KAUHOENGA ATU O HINEMOA KI MOKOIA.

    THIS IS THE STORY OF HINEMOA'S SWIMMING TO MOKOIA.

  2. Titiro e Kawana--a whakarongo mai hoki.

    Look, O Governor—and listen also.

  3. Ko te wahi e nohoia na e koe, ko te wahi tena i noho ai to matou tupuna a Hinemoa, i tona Kauanga mai.

    The place where you are now sitting is the very spot where our ancestor Hinemoa sat when she swam across.

  4. Kia kauwhautia atu iana, e ahau, ki a koe.

    Let me relate it to you.

  5. Na, ko Rangiuru, te matua wahine o Tutanekai, ko Whakaue-Kaipapa tana tane tupu; he tane tahae a Tuwharetoa.

    Now, Rangiuru was the mother of Tūtānekai, and Whakaue-Kaipapa was her lawful husband; but Tūwharetoa was her illicit lover.

  6. Ko ana tamariki matamua tokotoru, ko o ratou ingoa, ko Tawakeheimoa, ko Ngararanui, ko Tuteaiti; muri iho o te tokotoru, ka moea tahaetia a Rangiuru e Tuwharetoa.

    Her first three children, their names were Tawakeheimoa, Ngāraranui, and Tuteaiti; after these three, Rangiuru was secretly taken by Tūwharetoa.

  7. I haere manuhiri mai a Tuwharetoa, nana a Tutanekai, he poriro ia, otira i moea ano e Whakaue a Rangiuru; ka hapu ano, he tamaiti, ko Kopako tona ingoa; ka hapu ano hoki ia i muri iho i a Kopako, he tamahine, Ko Tupa tona ingoa, ko te whakapakanga ia o nga tamariki a Whakaue.

    Tūwharetoa had come as a guest, and he begot Tūtānekai, who was a child of illegitimate birth; however, Whakaue took Rangiuru back again; she became pregnant again with a boy, whose name was Kōpako; and after Kōpako she became pregnant again with a daughter, whose name was Tupa, who was the youngest child of Whakaue.

  8. E noho tonu ana ratou ki Mokoia; ko Tutanekai, i atawhaitia e Whakaue, ano ko tana tamaiti tupu ake.

    They all continued to live at Mokoia; and Tūtānekai was brought up by Whakaue just as if he were his own child.

  9. Ka tupu nei a Tutanekai ratou ko ana tuakana, a ka whakatangata.

    So Tūtānekai and his elder brothers grew up, and reached manhood.

  10. Na, ka tae mai te rongo o Hinemoa.

    Now, the fame of Hinemoa spread abroad.

  11. He wahine pai tera, he rangatira hoki ia, ko tona matua tane, ko Umukaria, ko tona matua wahine, ko Hinemaru, na, pirangi ana nga tuakana, pirangi ana te teina, ki taua wahine.

    She was a beautiful woman and also of noble birth; her father was Umukaria and her mother was Hinemaru; and the elder brothers desired, and the younger brother also desired, that woman.

  12. Na, ka hanga e Tutanekai tona pourewa ki reira ki Kaiweka.

    Then Tūtānekai built his elevated platform there at Kaiweka.

  13. Ka huihui raua ko tona hoa ko Tiki, na he putorino ta Tutanekai, he koauau ta Tiki, Na, ka piki raua ki runga ki to raua atamira, ka whakatangi i a raua pu i te po, i nga po marino.

    He and his companion Tiki would gather together, for Tūtānekai had a pūtōrino and Tiki had a kōauau; then they would climb up onto their elevated platform and play their instruments at night, on calm nights.

  14. Na, ka kawea atu te tangi e te hauwhenuaapo, ki Owhata, ki te kainga i noho ai te puhi-humarire nei, a Hinemoa, te tuahine o Wahiao.

    And the sound was carried by the night wind to Ōwhata, to the village where that beautiful high-born maiden lived, Hinemoa, the sister of Wahiao.

  15. Ka rongo a Hinemoa, ki te rekareka mai o te tangi o nga pu a Tutanekai raua ko tona hoa takapui ko Tiki, ka hari tona ngakau i roto i a ia.

    When Hinemoa heard the sweet sound of the instruments of Tūtānekai and his intimate friend Tiki, her heart rejoiced within her.

  16. Na, pera tonu te tikanga a Tutanekai raua ko Tiki, i nga po katoa; ka mea a Hinemoa na Tutanekai te pu e rangona atu nei e ia.

    Now, Tūtānekai and Tiki did this every night; and Hinemoa knew that it was Tūtānekai's instrument that she heard.

  17. He puhi hoki a Hinemoa, otira kua kitekite noa ake koki raua i a raua, i nga wa e huihui ai nga tangata o Rotorua.

    For Hinemoa was a sheltered maiden of high rank, yet they had already seen each other often during the times when the people of Rotorua gathered together.

  18. I aua huihuinga, ka kite a Hinemoa i a Tutanekai, ka titiro atu, ka titiro mai, a, ahua pai ki to tetehi ngakau, ki to tetehi ngakau; e wawata puku ana tetehi me tetahi, ki a raua ake.

    At those gatherings, Hinemoa would see Tūtānekai, they would look at one another, and they found favor in each other's hearts; each secretly desired the other.

  19. Kaore ia, a Tutanekai, i mohio, ki te mea ranei ka haere atu au ki te matoro i a Hinemoa, e kore pea ia e pai mai ki ahau.

    But Tūtānekai did not know, thinking, "If I go to court Hinemoa, perhaps she will not care for me."

  20. Ka mea a Hinemoa, ki te mea ka tonoa atu he karere ki a Tutanekai, ka mea tona ngakau, e kore pea a Tutanekai e pai mai ki a ahau.

    And Hinemoa said, if a messenger were sent to Tūtānekai, her heart thought, "Perhaps Tūtānekai will not care for me."

  21. He nui hoki nga ra i huihui ai, i titiro whakatau ai raua, tetehi ki tetehi; a, muri rawa iho, ka tonoa atu te karere a Tutanekai kia haere atu ki a Hinemoa.

    For many days they had met and gazed intently at one another; and at long last, a messenger from Tūtānekai was sent to go to Hinemoa.

  22. Ka kite a Hinemoa i taua karere, ka mea, Ehi!

    When Hinemoa saw that messenger, she said, "Ah!"

  23. Kua rite tahi o maua nei hiahia.

    "Our desires are exactly the same."

  24. I muri iho o aua huihuinga ka hoki ratou ki o ratou wahi, ka huihui nga whare tapere, ka mea nga whanaunga o Tutanekai, ara, ona tuakana, Ko wai o tatou kua pa ki a Hinemoa?

    After those gatherings they returned to their homes, and when the assembly houses gathered, the relatives of Tūtānekai, that is, his elder brothers, said, "Which of us has won the favor of Hinemoa?"

  25. Ka mea etahi.

    Some of them said...

  26. Ko ahau.

    "It was I."

  27. Otira ka ui atu hoki ki a Tutanekai, ka mea atu a Tutanekai kua pa atu ahau ki a Hinemoa.

    However, they also asked Tūtānekai, and Tūtānekai said to them, "I have won the favor of Hinemoa."

  28. Ka mea nga whanaunga.

    His relatives said,

  29. Kahore, e kore e tahuri mai ki a koe, ki te tutua, ki te poriro.

    "No, she would never turn her attention to you, a low-born man and a bastard."

  30. Na ka mea ia ki tona matua whangai kia whakaaro ki ana kupu i mea atu ra ki a ia, tatemea, kua pa ia ki a Hinemoa.

    Then he asked his foster-father to remember the words he had spoken to him, because he had indeed won Hinemoa's favor.

  31. Kua ata whakaritea hoki e raua i raurangi ra te wa hei haerenga mai mo Hinemoa ki a ia.

    Furthermore, they had carefully arranged on a previous day the time when Hinemoa should come to him.

  32. Ka mea a Hinemoa.

    Hinemoa had said,

  33. He aha te tohu mo taku haerenga mai?

    "What shall be the sign for my coming?"

  34. Ka mea a Tutanekai.

    Tūtānekai replied,

  35. E tangi he pu i nga po katoa, ko ahau tena, hoe mai.

    "When the instruments sound every night, that is me, paddle over."

  36. Otira, ko Whakaue, i pupuri tonu i te kupu a Tutanekai i whakapuaki atu ra ki a ia.

    Now, Whakaue kept to himself the words that Tūtānekai had disclosed to him.

  37. Na, no te turuawepo, ka piki a Tutanekai raua ko tona hoa ko Tiki ki runga ki to raua atamira.

    Then, at midnight, Tūtānekai and his companion Tiki climbed up onto their platform.

  38. I reira ka tangi tetehi ki te torino, ko tetahi ki te koauau.

    There, one played the pūtōrino and the other played the kōauau.

  39. Ka rongo a Hinemoa, ka hihiri kia hoe atu ia ma runga i te waka; otira kua tupato te iwi o Hinemoa ki nga waka; ko nga waka he mea toto ki uta; pera tonu i nga ra katoa, i nga po hoki, e te iwi.

    When Hinemoa heard it, she desired to paddle over in a canoe; but her people had grown suspicious concerning the canoes, and they had hauled them all high up onto the shore; this was done every day and every night by the people.

  40. Na, ka mahara tona ngakau, me pehea ra ka whiti ai au ki Mokoia, ina hoki e mohio tonu ana te iwi nei.

    So her heart pondered, "How can I cross over to Mokoia, since these people are so watchful?"

  41. Whakatau noa iho ia ki te noho.

    She sat down in vain distress.

  42. Ano te tangi o te koauau a Tutanekai!

    How beautifully sounded the kōauau of Tūtānekai!

  43. Me he ru na no e ueue ana ia tua wahine kia haere atu ki te karea-roto a tona ngakau.

    It was as if a gentle earthquake were shaking that young woman, urging her to go to the beloved of her heart.

  44. Te puta ana mahara i te kore waka, ka mea ia, E kore ranei au e whiti ki te kau-hoe?

    When no plan arose because there was no canoe, she said, "Can I not cross over by swimming?"

  45. Ka tango ia i nga taha e ono hei whakatere mona, kei totohu ki te wai; e toru ki tetehi taha, e toru ki tetehi taha.

    She took six gourds as floats for herself, lest she should sink into the water; three on one side and three on the other side.

  46. Ka haere mai ia ki runga ki te kowhatu, ko Iriirikapua te ingoa, ka haere mai ia ki tatahi, ko Wairerewai te ingoa o te wahi i waihotia ai ona pakikau; ka makere atu ia ki te wai; ka tae mai ki te tumu a tona matua a Umukaria, kei waho i te moana, ko Hinewhata te ingoa, ka mau ona ringa ki reira; ka whakata i tona manawa, a ka mutu te ngenge o ona pokihiwi.

    She came upon the rock named Iriirikapua, and then down to the beach, to the place named Wairerewai where she left her garments; she cast herself into the water, and reached the post of her father Umukaria out in the lake, named Hinewhata, and she caught hold of it with her hands; she rested her breath there until the weariness of her shoulders had passed.

  47. Na, ka kauhoe atu ia; ka ngenge, ka manu ia i te au o te moana, e tere tonu ana ia i runga i nga kiaka.

    Then she swam onward; when she grew tired, she floated on the current of the lake, drifting along upon the gourds.

  48. A ka ngaro te ngenge, ka kauhoe ano a Hinemoa.

    And when her weariness passed, Hinemoa swam again.

  49. Otiia, kaore ia i ata kite atu i Mokoia i te pouri o te po, ko tona kai tohutohu, ko te rangi o te pu a Tutanekai; ko te tohu tera i tika atu ai ia ki Waikimihia.

    However, she could not see Mokoia clearly in the darkness of the night; her only guide was the sound of Tūtānekai's instrument; that was the sign by which she steered straight to Waikimihia.

  50. Kei runga atu hoki o te waiariki ra, te kainga o Tutanekai a ka u atu ki Mokoia.

    For just above that hot spring was the home of Tūtānekai, and there she landed upon Mokoia.

  51. A, ko te wahi i u ai ia, he waiariki, ko Waikimihia te ingoa; ka noho ia ki roto ki te whakamahana i a ia, he wiri hoki nona i te maeke, i te kauanga mai i te po i te moana o Rotorua.

    And the place where she landed was a hot spring named Waikimihia; she sat inside it to warm herself, for she was trembling with cold from swimming across the lake of Rotorua by night.

  52. I te whakama hoki pea ki a Tutanekai, ko te rua tera o ona wiringa.

    And perhaps also from her modesty before Tūtānekai, which was the second reason for her trembling.

  53. I a Hinemoa ano e whakamahana ana i a ia i roto i te waiariki, ka pa te hiainu ki a Tutanekai, ka mea atu ki tana taurekareka, Tikina he wai moku.

    While Hinemoa was thus warming herself in the hot spring, Tūtānekai felt thirsty and said to his slave, "Fetch some water for me."

  54. Ka haere taua taurekareka ki te tiki wai; ka utu i te taha ki te wai.

    The slave went to fetch the water, and dipped the calabash into the water.

  55. Ka karanga atu a Hinemoa, ki taua taurekareka nei, ano he reo tane.

    Hinemoa called out to this slave, mimicking the voice of a man,

  56. Mo wai to wai?

    "For whom is your water?"

  57. Ka mea mai te taurekareka ra.

    The slave replied,

  58. Mo Tutanekai.

    "For Tūtānekai."

  59. Na, ka mea atu a Hinemoa, Homai ki ahau; ka hoatu e ia te wai ki a Hinemoa, ka inumia.

    Then Hinemoa said, "Give it to me"; and he gave the water to Hinemoa, and she drank it.

  60. Ka mutu te inu, ka wahia te taha.

    When she had finished drinking, she broke the calabash.

  61. Ka mea mai te taurekareka.

    The slave said,

  62. He aha koe i wahi ai i te takawai o Tutanekai?

    "Why did you break the water calabash of Tūtānekai?"

  63. Kaore he kupu a Hinemoa.

    Hinemoa answered nothing.

  64. Ka hoki te pononga, ka mea mai a Tutanekai.

    The servant returned, and Tūtānekai said to him,

  65. Kei whea te wai moku?

    "Where is the water for me?"

  66. Ka mea atu te taurekareka.

    The slave replied,

  67. Kua pakaru te Kiaka.

    "The gourd is broken."

  68. Ka mea mai a Tutanekai.

    Tūtānekai said,

  69. Na wai i wahi?

    "Who broke it?"

  70. Ka mea atu ia.

    He answered,

  71. Na te tangata.

    "The man did."

  72. Ka mea mai a Tutanekai--haere, e hoki.

    Tūtānekai said, "Go, go back."

  73. Na, ka mau ki te taha, i te tuarua, ka utu i te taha; ka mea a Hinemoa.

    So he took a second calabash and dipped it into the water; and Hinemoa spoke again.

  74. Mo wai to wai?

    "For whom is your water?"

  75. Ka mea mai te mokai ra, mo Tutanekai.

    The servant replied, "For Tūtānekai."

  76. Ka mea atu ano a Hinemoa.

    Hinemoa spoke again,

  77. A homai ano ki au, e mate wai ana ano ahau.

    "And give it to me again, I am still thirsty."

  78. Ka hoatu ano e te pononga ra, ka tango mai a Hinemoa, ka inu, a wahia iho ano te kiaka.

    The servant gave it to her again, and Hinemoa took it, drank, and broke the gourd once more.

  79. Pera tonu ta raua na mahi.

    They continued to act in this very way.

  80. Ka haere te mokai ra ki a Tutanekai, ka mea mai ia.

    The servant went back to Tūtānekai, who asked him,

  81. Kei whea hoki to wai?

    "Where then is my water?"

  82. Ka mea taua mokai, kua riro atu ano.

    The servant replied, "It has been taken again."

  83. I a wai?

    "By whom?"

  84. He tangata ra kei te wai.

    "There is a man in the water."

  85. Ko wai tena tangata?

    "Who is that man?"

  86. Aua hoki, he tauhou ia.

    "I do not know, he is a stranger."

  87. Kua mohio ano ia, moku tena wai, he aha ia i wahi ai?

    "And did he know that water was for me? Why did he break it?"

  88. Ka mate au i te whanowhanoa.

    "I am overcome with anger."

  89. Ka mau a Tutanekai ki ona kahu me tana patu.

    Tūtānekai seized his garments and his weapon.

  90. He kahakaha ona kakahu, he tawaru ki waho.

    His inner garment was a kahakaha, and a tāwaru was on the outside.

  91. Ka haere ia, ka tae iho ki te wai, ka mea.

    He went, and when he reached the water, he said,

  92. Kei whea te tangata i wahi nei i aku kiaka?

    "Where is the man who broke my gourds?"

  93. Ka mohio ake a Hinemoa ki te reo, ara ko te kare a roto tenei, ina te ahua o te reo.

    Hinemoa recognized the voice, that this indeed was her sweetheart, judging by the sound of the voice.

  94. Ka whakapupuni ia ki nga tauwharewharenga kowhatu o te waiariki.

    She hid herself under the overhanging ledges of rock in the hot spring.

  95. Otira ehara i te whakapupuni pononga, he whakangaio nana ki a Tutanekai, ka kitea mai nei ki a ia.

    However, this was not a real hiding, but a playful coyness towards Tūtānekai, that she might be found by him.

  96. Ka haha a Tutanekai i nga pareparenga o te waiariki, rapu rawa atu; e takoto whakama ake ana i raro i nga tauwharenga kowhatu.

    Tūtānekai searched along the edges of the hot spring, seeking everywhere; and she lay there in modest silence beneath the overhanging rocks.

  97. Ka mau ia ki te ringa, ka mea, E!

    He caught her by the hand and said, "Ah!"

  98. Ko wai tenei?

    "Who is this?"

  99. Ka mea a Hinemoa.

    Hinemoa had said,

  100. Ko ahau, e Tutanekai.

    "It is I, O Tūtānekai."

  101. Ka mea a Tutanekai.

    Tūtānekai replied,

  102. Ko wai koe?

    "Who are you?"

  103. Ka mea ia.

    She said,

  104. Ko au, ko Hinemoa.

    "It is I, Hinemoa."

  105. Ka mea a Tutanekai.

    Tūtānekai replied,

  106. E-e- Ho ake taua ki te whare.

    "Ah! Let us two go to the house."

  107. Ka mea ia.

    She said,

  108. Ae.

    "Yes."

  109. Ka whakatika ake i roto i te wai.

    She rose up out of the water.

  110. Ano te kiri!

    How beautiful was her skin!

  111. me he Tapukarako.

    like the white clay of Tapukarako.

  112. Tu, ka tu ki uta o te wai, me he Kotuku.

    As she stood there on the shore, she was like a white heron.

  113. Ka tae a Tutanekai, ki tetehi ona kakahu, ka whakahoroa atu ki a ia, ka mau ia.

    Tūtānekai took one of his garments and threw it over her, and she wrapped it around herself.

  114. Na ka haere raua, ka tae ki te whare, ka momoe, ko to te Maori ritenga tawhito tenei, ana, ka marenatia.

    Then they went and reached the house, and slept together, for this was the ancient custom of the Māori when they married.

  115. Ka hi te ata, ka puta katoa ki waho nga tangata o te pa ki te tahu kai.

    When the morning dawned, all the people of the village came out to cook food.

  116. Ka kai nga tangata o te pa.

    The people of the village ate.

  117. Ka whakaroa a Tutanekai ki roto ki tona whare.

    Tūtānekai remained behind in his house.

  118. Ka mea Whakaue, katahi ano te ata o Tutanekai i moe roa ai, he mate pea to taku potiki.

    Whakaue said, "This is the first morning that Tūtānekai has slept so late; perhaps my youngest child is ill."

  119. Tikina a Tutanekai, whakaarahia mai.

    "Go fetch Tūtānekai and wake him."

  120. Ka haere mai te kai tiki; ka to i te pihanga o te whare; ka titiro atu ia.

    The one sent to fetch him came; he slid back the window of the house and looked in.

  121. E-e-!

    "Ah!"

  122. e wha nga waewae e ka miharo ia, ka mea.

    There were four feet; he was astonished and said,

  123. Ko wai ra tona hoa?

    "Who on earth is his companion?"

  124. Heoti ano; ka nunumikino tona hokinga; ka tae ki a Whakaue; ka mea atu ki a ia; E wha waewae i kite atu ai ahau i roto.

    With that, he quickly retreated and went to Whakaue, saying to him, "I saw four feet inside."

  125. Ka mea mai a Whakaue.

    Whakaue asked,

  126. Ko wai ra te hoa?

    "Who then is the companion?"

  127. Haere ano, e hoki.

    "Go back again."

  128. Na, ka haere ano ia; ka tae ki te whare ka titiro ki a raua; katahi ka kitea ko Hinemoa.

    So he went back again, and when he reached the house and looked at them, he finally saw that it was Hinemoa.

  129. Katahi ka karangatia E-e-!

    Then he shouted, "Ah!"

  130. Ko Hinemoa, ko Hinemoa, kei a Tutanekai!

    "It is Hinemoa, Hinemoa is with Tūtānekai!"

  131. Ka rongo te iwi katoa.

    All the people heard it.

  132. Ka pa te karanga a te katoa E-e-!

    And they all cried out, "Ah!"

  133. Ko Hinemoa, ko Hinemoa, kei a Tutanekai!

    "It is Hinemoa, Hinemoa is with Tūtānekai!"

  134. Ka rongo nga tuakana, ka mea, He horihori.

    When the elder brothers heard it, they said, "It is a lie."

  135. Kaore, he puhaehae no ratou.

    But indeed, it was out of jealousy on their part.

  136. Katahi a Tutanekai ka puta ki waho, me Hinemoa hoki.

    Then Tūtānekai came out, and Hinemoa also.

  137. Ka kite atu nga tuakana, ko Hinemoa tenei, ka mea koia ano, he tika.

    When the elder brothers saw that this was indeed Hinemoa, they said, "It is truly so; it is true."

  138. I muri iho, ha whakaaro a Tiki.

    Afterwards, Tiki thought to himself,

  139. Ka moe a Tutanekai i tana whaiaipo, i a Hinemoa, kahore he hoa moku.

    "Tūtānekai has married his beloved Hinemoa, and I have no companion."

  140. Ka pouri ia; ka hoki ki tona kainga.

    He was filled with sadness, and returned to his own village.

  141. Ka aroha a Tutanekai ki o Tiki; ka mea atu ki a Whakaue.

    Tūtānekai felt great affection for Tiki, and said to Whakaue,

  142. Ka mate ahau i te aroha ki taku hoa ki a Tiki.

    "I am sick with grief for my friend Tiki."

  143. Ka mea mai a Whakaue.

    Whakaue asked,

  144. Ki te aha?

    "For what reason?"

  145. Ka mea atu a Tutanekai.

    Tūtānekai replied,

  146. Ko taku tuahine ra, kia whakamoea ma taku hoa takapui, ma Tiki.

    "Let my sister there be given in marriage to my intimate friend, to Tiki."

  147. Ae.

    "Yes."

  148. Whakaae ana tona matua whangai.

    His foster-father consented.

  149. Katahi ka hoatu tona tuahine ki a Tiki.

    Then his sister was given to Tiki.

  150. Na ka moea tona tuahine e Tiki.

    And his sister was married by Tiki.

  151. Ko nga uri o Hinemoa raua ko Tutanekai, koia ano enei, e noho mai i Rotorua nei.

    The descendants of Hinemoa and Tūtānekai are these very ones who are living here in Rotorua.

  152. Kaore hoki i te makere ki raro o nga ngutu o nga uri te korero ki te humariretanga ki te kauanga hoki o Hinemoa.

    And the story of the beauty and the swimming of Hinemoa has never ceased to be on the lips of her descendants.

  153. * * * * *

  154. A great mass of information on these tables is to be found in the various volumes of the _Journal_ of the Polynesian Society.

    A great mass of information on these tables is to be found in the various volumes of the _Journal_ of the Polynesian Society.

  155. Umukaria = Hinemaru Tama te Kapua, -------------+----- 8 generations to | Whakaue kaipapa = Rangiuru = Tuwharetoa | | | | -------------------+----------------- | | Tawakeheimoa.

    Umukaria = Hinemaru Tama te Kapua, -------------+----- 8 generations to | Whakaue kaipapa = Rangiuru = Tuwharetoa | | | | -------------------+----------------- | | Tawakeheimoa.

  156. Ngararanui.

    Ngāraranui.

  157. Tuteaiti.

    Tuteaiti.

  158. Tutanekai = Hinemoa | | Kopako.

    Tūtānekai = Hinemoa | | Kōpako.

  159. Tupa = Tiki Te Whatumairangi | Ariariterangi | Tunohopu | Panuiomarama | Taeotu | Te Iwingaro | Te Pukuatua | Petera te Pukuatua, Died in 1905 at the supposed age of 75 years.

    Tupa = Tiki Te Whatumairangi | Ariariterangi | Tūnohopū | Pānuiomarama | Taeotu | Te Iwingaro | Te Pukuatua | Petera te Pukuatua, Died in 1905 at the supposed age of 75 years.